பிரபல தயாரிப்பாளர் ஆர். கே. சுரேஷ் பேட்டி - பைரவாவின் வில்லன் நான் இல்லை
Posted on 14/09/2016
இளையதளபதி விஜய் நடித்து வரும் 'பைரவா' படத்தில் ஏற்கனவே ஜெகபதிபாபு, டேனியல் பாலாஜி ஆகியோர் வில்லன்களாக நடித்து வரும் நிலையில் 'தாரை தப்பட்டை' வில்லனும், பிரபல தயாரிப்பாளருமான ஆர்.கே.சுரேஷ் நடிக்கவுள்ளதாக கடந்த சில நாட்களுக்கு முன்னர் செய்திகள் வெளிவந்தன. ஆனால் இந்த செய்தியை ஆர்.கே.சுரேஷ் தற்போது மறுத்துள்ளார். இந்த படத்தில் நான் வில்லனாக நடித்து வருவதாக வெளிவந்துள்ள செய்திகள் அனைத்தும் தவறானவை என்று அவர் தெரிவித்துள்ளார்.
மேலும் விஜய் ஆண்டனியின் 'சலீம்' முதல் சமீபத்தில் வெளியான 'தர்மதுரை' வரை சுமார் 40 படங்களை வெளியிட்டுள்ள ஆர்.கே.சுரேஷ் தற்போது 'தனிமுகம்' என்ற படத்தில் ஹீரோவாக நடிக்கின்றார். இந்த படத்தின் கதை தனது நடிப்புத்திறனை வெளிப்படுத்தும் என நம்புவதால் ஹீரோவாக நடிப்பதாகவும், இந்த படத்தை ஷாஜி கைலாஷின் உதவியாளர் சாஜி இயக்குவதாகவும் ஆர்.கே.சுரேஷ் கூறியுள்ளார்.
'தனிமுகம்' தவிர உதயநிதி ஸ்டாலின் நடிக்கும் படத்தில் முக்கிய வேடத்திலும், சீனுராமசாமி இயக்கவுள்ள அடுத்த படம் உள்பட ஒருசில படங்களில் நடித்து வருவதாகவும் ஆர்.கே.சுரேஷ் மேலும் கூறியுள்ளார்.
Tags: News, Hero
